Landetxeak

Lizentzia turistikoa: XVI 00019

Eskualdeko eraikin zaharrenetarikoa da, XV. mende amaierakoa, hain zuzen ere. Bere egiturak, haritz habeak, harriak eta jatorrizko antolamendu era, mantendu eta berreraiki egin dira, bere garaiko arkitektura mantenduz. Halere, eraikina ikaragarria izateaz gain, ingurua oso ederra da. Bikaina da lasaitasuna aurkitzeko Urduña eta Gorobel mendilerroen ondoan. Goiko solairuak 5 logela ditu, antikuarioko altzariekin dekoratuak, bainugela osoa, telebista, telefonoa, minibarra, berogailu zentrala eta ingururako ikuspegia. Solairu nagusian bi egongela daude, bakoitza egur-tximinia batekin.
Baserriak aparkaleku pribatua, terraza zabala eta fruta arbolez zein haritzez inguratutako zelai bat ditu.

 Helbidea: San Prudentzio auzoa 29, Lezama
 Telefonoa: 945 892 676 – 609 439 189
 Helbide elektronikoa: iruaritz@grupolezama.es
 Webgunea: grupolezama.es/caserio-iruaritz

Lizentzia turistikoa: XVI0020

Usko landetxea 10.000m2 ko lursailaren barruan dago, fruta arbola eta landare apaingarriekin. Bertan, hiri handien zarata ikaragarritik aldendu ahalko zara, baina horietatik gertu egon aldi berean; Gasteiz eta Bilbo 25 minutura izango dituzu. Aparkaleku pribatua, igerilekua, tenis pista, barbakoa eta doako Wi-Fia izango dituzu zure egonaldian zehar.

 Helbidea: Lezama 23
 Telefonoa: 945 891 967 – 619 466 343
 Helbide elektronikoa: crusko@gmail.com
 Webgunea: www.casaruralusko.com

Lizentzia turistikoak: XVI 00142 – XVI00148

Etxeartzi Mendietan dago eta bi ostatu eskaintzen ditu. Biek terraza, sukalde osoa ontzi-garbigailuarekin, tximinia, sofa bat duen egongela, pantaila lauko telebista eta bainugela pribatua, dutxa eta ile lehorgailuarekin, dituzte. Horrez gain, mikrouhin-labea, hozkailua, labea eta kafe makina ditu. Era berean, lorategira begira dago eta azken horrez eta barbakoaren eremuaz ere gozatu ahalko duzu.

 Helbidea: Mendieta auzoa 11
 Telefonoa: 645 716 990 – 669 296 653
 Web: etxeartzi.com

Lizentzia turistikoa: XVI 00003

Luiaondo herri txikiaren erdigunean dago, eta osorik alokatzen da. Eraikuntza berrikoa da eta zerbitzu erosoenak ditu zure egonaldia apartekoa izateko. Aiara haran bikainean dago eta inguru bakar eta naturalak inguratzen du. Gorobel, Gorbeiako Parke Naturala eta Bilbo eta Guggenheim Museoa 25 km-ra izateari eta Bizkaiko kostako hondartzak ondoan izateari esker, lurralde honetako esperientziarik onena izango duzu gu hautatuz gero.

 Helbidea: San Lorenzo z.g.
 Telefonoa: 670 477 727 – 945 890 804
 Helbide elektronikoa: idoia@cuadrabus.com
 Webgunea: www.casaurdinetxe.com

Lizentzia turistikoa: XVI 00015

Belaustenea eremu pribilegiatu batean dagoen etxea da eta Gorobelerako ikuspegi ederrak ditu. Eremu urrun batean dago, gure ingurune naturalaren lasaitasunaz gozatu ahal izateko, baina, aldi berean, eskualdeko herri nagusien ondoan dago. 7 eta 10 pertsona bitartean har ditzake etxeak eta 3 logela ditu, 3 bainugela, sukalde bat, jangela egongela eta 3.000 m-ko lorategia. Kanpoaldean, lorategi handia dago, hesi batez inguratutako igerileku handi bat eta portxe bat, mahai eta aulkiekin, baita barbakoa duen terraza bat ere. Estali gabeko eta asfaltatutako hainbat autorentzako aparkalekua du, eta haurrentzako eremu bat, zabuekin. Belaustenean animaliak egon daitezke.

 Helbidea: Iglesia auzoa 10
 Telefonoa: 667 655 942
 Webgunea: www.belaustenealandetxea.com

Lizentzia turistikoa: XVI 00045

Mendieta Etxea zaharberrituriko baserria da; egongela jangela, sukaldea, komuna, berogailua, TB, Internet, partekatzeko lorategirako gunea eta abarrez ondo hornitutako 4 apartamentu dauzka. Apartamentuak/gelak, 2 10 leku. Aiara haraneko erdigunean dago, Kexaako Dorretxearen ondoan (ondare historikoko interesgunea da). Etxearen ingurua erreferentea da turismo berde eta kulturala maite dutenentzat. Natura erdian kokatuta badago ere, nabarmendu beharra dago oso hurbil dagoela Bilbotik (23 km), Gasteizetik eta Donostiatik, autobideen bidez erraz iristeko aukerarekin.

 Helbidea: Mendieta auzoa 34, Menagarai (Aiara)
 Telefonoa: 605 741 441 – 945 399 447
 Helbide elektronikoa: mendietaetxea@gmail.com
 Webgunea: mendieta etxea.blogspot.com

Lizentzia turistikoa: XVI00052

Etxeak 15 lagunentzako lekua du, beiraz inguratutako jangela egongela, tximiniarekin eta basorantz begira. Etxean sukalde bat dago erabilgarri. Eguzki energia eta biomasa erabiltzen ditugu gasarekin konbinatuta etxea berotzeko. Gelak eta oheak handiak eta erosoak dira. Gorobelen dago, naturaz inguratutako auzo baztertu batean. Etxea haritza eta harriarekin berritu dugu eta apainketak tradiziozko elementuak konbinatzen ditu, jabeak zaharberritutako altzariekin eta altzari modernoago eta funtzionalagoekin. Lasaitasunaz, paseoez eta paisaia birjinan kokatutako herri txikiez gozatzeko toki miragarrian gaude.

 Helbidea: Gorbea Auzoa, 2
 Telefonoa: 667 402 245

Lizentzia turistikoa: XVI00053

Garabilla landetxea izen bera duen auzoan dago (Garabilla auzoan), Aiara haranaren bihotzean dagoen Lantero herrian. XVII. mendean dorretxe gisa eraiki zuen Diego familiak. Hasiera batean, landetxeak etxebizitza eta animalientzako ukuilua zituen. Ondoren, unean-unean sortutako beharren arabera, gela berriak eraiki zituzten, eta, ondorioz, baserri autosufizientea sortu zen. Beraz, XX. mendean, baserria etxebizitzak, ukuiluak, labeak, lastategiak, patinak, garbitokiak, estalguneek, etxolek eta bizartegiak osatzen zuten.

 Helbidea: Amurrio – Artziniega errepidea, A 624, 53,5 km (Artziniegatik 1,5 km-ra).
 Telefonoa: 616 138 449
 Helbide elektronikoa: casaruralgarabilla@gmail.com
 Webgunea: www.casaruralgarabilla.com

Lizentzia turistikoa: XVI 00103

Petraenea landetxea Izorian dago, Aiara haranaren bihotz bihotzean. Eremu aparta da turismo berdea eta kulturala gustuko dutenentzat. Ostatua Idiazabal gazta ospetsua sortzen duen gaztandegi baten ondoan dago, oso hurbil du Maroñoko urtegia eta Urduña 6 minutura dago autoz. Etxeak 5 logela ditu, sukalde osoa, tximinia bat egurrarekin, barbakoa duen lorategia, pergola bat eta 5 bainugela.
Espazio honetan egon bitartean, lasaitasuna, konforta eta xarmaz gozatuko duzu. Merezi duzun atsedena emango dizugu eta landa ingurune batek eskaintzen dituen lasaitasunean eta isiltasunean murgiltzeko txoko xarmagarri asko daude. Dotoretasunak eta erosotasunak definitzen gaituzte.

 Helbidea: Aretxa auzoa 23
 Telefonoa: 618 805 464

Lizentzia turistikoa: VI 00129

Sierra Salvada Salmantónen, Arabako Aiara haranean, dagoen xarma handiko etxea da. Naturan erabat sartuta dago, errepidea amaitzen den puntuan, Gorobelen azpi azpian. Horregatik, leku egokia da atseden hartzeko eta menditik ibiltzeko. Bi gela handi eta oso abegitsu ditu, oso argitsuak eta erosoak; telebista eta bainugela dituzte, eta geletako batek jacuzzia du. Espazio komunak sukalde erabat hornitua du, bai eta tximinia duen jangela bat ere, ahalik eta gehien erlaxatzeko. Kanpoaldean, aire zabalean dagoen terraza bat, aparkaleku handi bat, baratze ekologiko bat (sasoiko produktuekin) eta 2.000 m2 ko lursail bat daude, barbakoa egin ahal izateko eta Aiara haranerako ikuspegi ikaragarriez gozatzeko.

 Helbidea: Salmanton Entitatea 22
 Telefonoa: 685 735 060

 Helbide elektronikoa: info@casaruralsierrasalvada.com
 Webgunea: casaruralenayala.com